可能好多人都唔知，广东著名相声演员【黄俊英】，系罗定市镇素龙人。
提起罗定，穷乡僻里，即系平日大家所讲嘅【山旮旯】，我谂广东省内都冇几个人听过呢个城市（梧州嘅朋友肯定知道罗定，隔篱邻舍嚟㗎），更加咪讲国内嘞。
以下呢条短片，就系黄俊英先生嘅同乡（同镇）——一个叫黄伟龙嘅中学生，自己用手机拍嘅。各位不防听下【罗定能古话】有乜嘢特色。虽然我都系罗定人，但系我唔识讲短片里面嘅【能古话】，如果冇字幕，我可能都只系听得明八成左右。讲真一句，能古话听起嚟真系几搞笑下。每个地方都有自己独特嘅口音，请尊重地方口音，唔好因为呢个问题嘲笑人哋。