【新闻】李居明狂爆蓋鳴暉秘密 指她獨身主義

【睇中北角豪宅】蓋鳴暉被踢爆有富豪追求 唔求姻緣只想買樓
由蓋鳴暉和吳美英主演、李居明撰寫的新戲《陳三愛五娘》，今晚在新光戲院開鑼，他們甫出場時，一眾粉絲尖叫起來。席上，除了進行醒獅點睛外，李居明、蓋鳴暉和吳美英主持敲鑼儀式。影相時，蓋鳴暉還做心心手勢。
李居明表示今次與鳴芝聲劇團合作的第十套戲寶：「蓋鳴暉今次由頭唱到尾，吳美英就要打鼓、揈水髮同埋被行刑，而且呢套係改編自潮州粵劇，加上而家係新年，所以我改咗係happy ending，之後我哋會邁向第十一套。」李居明還透露新光戲院於2022年租約期滿，屆時再看看情況是否續約，他說：「有個喜訊公佈，就係2019年嘅新光檔期已經爆滿。」
李居明言談間，踢爆蓋鳴暉繼續單身主義，就算被一位有錢人追求，女方不為所動，蓋鳴暉說：「我都係鍾意做戲，師傅，我幾時可以買樓？」李居明說：「你而家都有三至五層啦，不過你目標係十層。」李居明指她看中北角豪宅，蓋鳴暉笑說：「五萬蚊一呎，好貴呀！」問到在農曆新年期間，有否為演出而不吃年糕？蓋鳴暉表示：「我不嬲都戒口，但會照食角仔。」李居明補充：「因為角仔即係角色、主角，不論做粵劇、電視、電影都要食角仔。」

李居明爆被富豪追求　蓋鳴暉等買豪宅
由玄學大師李居明撰寫、蓋鳴暉、吳美英領銜主演、鳴芝聲劇團擔綱演出的賀歲粵劇《陳三愛五娘》，晚上假新光戲院開鑼，台前幕後於演出前舉行拜神儀式，還有舞獅助慶，更高舉「六字」元寶賺多啲手勢。
李居明表示跟蓋鳴暉合作了十套粵劇，正是十全十美，今次這個潮州粵劇正值過年期間公演，所以特別寫了個Happy Ending！他們亦邁向十一度合作，預計今年7月公演新劇目，並笑言不會寫政治戲畀蓋鳴暉演出，只會給她寫鴛鴦蝴蝶情愛戲。
食角仔好意頭
講到慶起，李居明大爆蓋鳴暉戀情：「佢依然係獨身主義，有個有錢佬追佢都唔騷人。」蓋鳴暉笑笑口回答：「我都想，我都係鍾意做戲，希望事業更上一層樓。」她又問李居明幾時可以買樓？原來她睇中北角一個豪宅：「成五萬蚊一尺，好貴。」李居明順勢揭她有幾層樓喺手：「佢有三至五個單位，佢目標係買十個。」
另外，新光戲院將於2022年租約期滿，李居明表示未來三年會努力奮鬥，並報喜訊今年新光的檔期已經爆滿。問蓋鳴暉為準備演出，農曆新年是否要戒口？她說：「不嬲都戒口，糕點煎炸嘢唔食，不過會食角仔。」因為李居明指角仔有角色、主角意思，所以做演藝這一行，食角仔係好意頭。