正所谓「入屋叫人，入庙拜神」，每个地方都有唔同嘅风俗习惯，尤其系当过时过节，呢种风俗习惯就更加明显。对於农历新年呢啲中国传统节日，好多时大家都会有一定嘅「模式」，好似年廿八要执屋；年三十晚食团年饭，用碌柚叶煲水洗面冲凉，再用枕头责住压岁钱嚟瞓觉；年初一、二去拜年，为长辈递全盒兼敬茶；而到咗年初三赤口就边度都唔好去等等。HotCha自细深受外国文化嘅影响，对於中国传统习惯唔系唔知，只系唔做啫。而唔做嘅原因，唔系因为难，而系因为懒。咁又啱嘅，HotCha一年忙足360日咁滞，剩返嗰几日新年，算系真真正正休息，俾个权你哋懒吓喇！冇人怪你哋嘅∼∼
