咁多过瘾人，写边个呢？
罗文，我地个个叫佢“罗记”！都唔知点解重要将个“罗”圈声转调，读成“啰啰攀”个“啰”咁音。
讲起罗文，就多嘢讲咯。
呢兜友仔，我识咗佢N年咁耐。嗰阵，佢同亚肥沈殿霞，整过个“情侣合唱团”，我重写过支歌送畀佢地两个。
有一件事，罗文自己都怕唔知。我亦好少对人讲过，今日要写佢，自动爆料啦惟有。
罗文初出道嘅时候，好多好多后生女迷佢。施明系其中一位，迷到直头狂晒。搞到佢妈咪惊个女有事，打电话嚟揾我，问我点。
“罗文！”我笑：“迷罗文，唔会有事！”
罗文个人，绝对唔会揩歌迷油嘅，所以迷罗文，好安全。（而家谂番起，只觉我冇讲错，施明迷咗一阵，就唔迷罗文，改迷李家鼎，然后，重生咗一对好鬼识做戏嘅大孖细孖出嚟添。）因为罗记呢位仁兄，有时脾气虽然唔算认真好，但系品德纯良，绝对系忠人嚟嘅！（佢脾气唔好，亦系同佢品性纯良有关，如果佢奸的，就唔会发脾气咯。）
咁我虽然识罗文好耐，但系冇试过同佢合作。第一次同佢合作，系《家变》。“知否世事常变，变幻原是永恒”，呢首嘢，系拙作。相信重有班人会记得呢首歌。
呢支歌，唔易唱，尤其中间嗰段，辉哥写快拍密字，歌星功夫差些少，都会唱唔掂嘅。我知道罗文会唱得掂，不过仍然想去听下。咁嗰晚成班人食完饭，就冲上录音室。
上到去，佢已经唱聚，而且唱到最尾嗰句。
“拥抱着……”
佢将佢把声拉长。个“着”字，由强至弱，若有若无……
然后，一转，由喉音转成脑音，真声变做假声——
“永——恒——！”
哗！我一听，欢喜过中咗六合彩。心谂，呢支歌，一定掂过碌蔗，唔流行有鬼咯！
因为唱得咁靓，冇理由唔hit嘅！除非全世界个个系声耳陈嘅啫！
果然，呢支歌，成就咗一个当年算系钢铁阵容嘅铁三角：顾嘉辉曲、罗文唱、黄霑词。好多首TVB主题曲，包办。
咁合作得多，大家就成为好朋友。
我成日戥罗文唔抵，因为罗文当年唱《小李飞刀》，（呢支歌，人人以为我写嘅！不过，事实唔系！系卢国沾嘅杰作！）红到系人都唱“何必偏偏选中我”嘅时候，如果有“红磡体育馆”，罗文一定而家过亿身家。
佢冇过亿身家，因为佢红得早。响“利舞台”唱十晚，入场人数，同唱一晚“红磡体育馆”一样。
不过，佢红得早，有红得早嘅好。
佢经得起风浪，而且功夫练咗咁耐，冇人及得到佢唱歌嘅功力。
佢会永恒不朽嘅，罗文呢兜友仔。
我相信，到一九九七之后，依然有香港人，听佢嘅歌。因为潮流冲过之后，披沙烁金，唔好嘅就会畀历史遗忘，只有好嘢会留番响度，永存后世。
罗文嘅歌，已经成为香港文化一部分，点都唔畀人忘记。
佢做嘢，认真到极。工作态度，非常之好。佢未入录音室，一定准备到十足十，先会入去。歌词熟晒，谱熟晒。同佢录音，悭时间、悭力，而且效果好。
黎小田脱离“华星”，自己做老板，开唱片公司，第一个就签佢，梗有理由，黎小田全香港歌星识尽，点解人人唔签，签罗文呢？无他，罗文的确好！
佢系好肯为歌唱界做嘢嘅人。
当年，宁愿点辛苦，都搏命搞歌舞剧，就系佢热爱歌唱艺术，肯为香港流行曲界做事，扩展领域嘅明证。（将来歌舞剧呢样嘢，一定会掀起热潮㗎！我认为大家不妨放长眼睇吓。）佢搞歌舞剧，任劳任怨，自己唔识嘅京剧功夫，死学，死练，练到得晒为止。
佢搞歌舞剧嘅精神同魄力，到今日，未揾得到有第二个系咁！
老老实实，如果香港政府要授勋畀歌星，我提议应该畀个荷兰水盖畀罗记，因为佢嘅功劳，真系好大。所以“艺盟”在八八年，全无异议，就畀咗个奖佢。
“今夜不设防”请佢唔到上节目，（因为佢同TVB有合约，唔上得ATV）真系我嘅大损失！
“我真系想上你节目！****黄老霑！”佢有次自己爆料同我讲：“你爆人的料爆得多，我上去，爆晒你的衰嘢出嚟！睇你点死！”
咁佢又的确系知我好多衰嘢！
有次，佢响“海城”做show，我响台下醉鬼咗，自动献身，中鬼咗上去，搞到佢手足无措。一阵又响佢后便做伴唱伴舞，一阵又响佢唱英文歌嘅时候，逐句翻译。“你以后再嚟一次，”罗文后来话：“我阉咗你！”
因为佢好紧张自己嘅show，一定交到十足。
所以，我话佢系永恒嘅，永远都会流行。而家，肯次次交到十足嘅人，太少嘞!
罗文，我地个个叫佢“罗记”！都唔知点解重要将个“罗”圈声转调，读成“啰啰攀”个“啰”咁音。
讲起罗文，就多嘢讲咯。
呢兜友仔，我识咗佢N年咁耐。嗰阵，佢同亚肥沈殿霞，整过个“情侣合唱团”，我重写过支歌送畀佢地两个。
有一件事，罗文自己都怕唔知。我亦好少对人讲过，今日要写佢，自动爆料啦惟有。
罗文初出道嘅时候，好多好多后生女迷佢。施明系其中一位，迷到直头狂晒。搞到佢妈咪惊个女有事，打电话嚟揾我，问我点。
“罗文！”我笑：“迷罗文，唔会有事！”
罗文个人，绝对唔会揩歌迷油嘅，所以迷罗文，好安全。（而家谂番起，只觉我冇讲错，施明迷咗一阵，就唔迷罗文，改迷李家鼎，然后，重生咗一对好鬼识做戏嘅大孖细孖出嚟添。）因为罗记呢位仁兄，有时脾气虽然唔算认真好，但系品德纯良，绝对系忠人嚟嘅！（佢脾气唔好，亦系同佢品性纯良有关，如果佢奸的，就唔会发脾气咯。）
咁我虽然识罗文好耐，但系冇试过同佢合作。第一次同佢合作，系《家变》。“知否世事常变，变幻原是永恒”，呢首嘢，系拙作。相信重有班人会记得呢首歌。
呢支歌，唔易唱，尤其中间嗰段，辉哥写快拍密字，歌星功夫差些少，都会唱唔掂嘅。我知道罗文会唱得掂，不过仍然想去听下。咁嗰晚成班人食完饭，就冲上录音室。
上到去，佢已经唱聚，而且唱到最尾嗰句。
“拥抱着……”
佢将佢把声拉长。个“着”字，由强至弱，若有若无……
然后，一转，由喉音转成脑音，真声变做假声——
“永——恒——！”
哗！我一听，欢喜过中咗六合彩。心谂，呢支歌，一定掂过碌蔗，唔流行有鬼咯！
因为唱得咁靓，冇理由唔hit嘅！除非全世界个个系声耳陈嘅啫！
果然，呢支歌，成就咗一个当年算系钢铁阵容嘅铁三角：顾嘉辉曲、罗文唱、黄霑词。好多首TVB主题曲，包办。
咁合作得多，大家就成为好朋友。
我成日戥罗文唔抵，因为罗文当年唱《小李飞刀》，（呢支歌，人人以为我写嘅！不过，事实唔系！系卢国沾嘅杰作！）红到系人都唱“何必偏偏选中我”嘅时候，如果有“红磡体育馆”，罗文一定而家过亿身家。
佢冇过亿身家，因为佢红得早。响“利舞台”唱十晚，入场人数，同唱一晚“红磡体育馆”一样。
不过，佢红得早，有红得早嘅好。
佢经得起风浪，而且功夫练咗咁耐，冇人及得到佢唱歌嘅功力。
佢会永恒不朽嘅，罗文呢兜友仔。
我相信，到一九九七之后，依然有香港人，听佢嘅歌。因为潮流冲过之后，披沙烁金，唔好嘅就会畀历史遗忘，只有好嘢会留番响度，永存后世。
罗文嘅歌，已经成为香港文化一部分，点都唔畀人忘记。
佢做嘢，认真到极。工作态度，非常之好。佢未入录音室，一定准备到十足十，先会入去。歌词熟晒，谱熟晒。同佢录音，悭时间、悭力，而且效果好。
黎小田脱离“华星”，自己做老板，开唱片公司，第一个就签佢，梗有理由，黎小田全香港歌星识尽，点解人人唔签，签罗文呢？无他，罗文的确好！
佢系好肯为歌唱界做嘢嘅人。
当年，宁愿点辛苦，都搏命搞歌舞剧，就系佢热爱歌唱艺术，肯为香港流行曲界做事，扩展领域嘅明证。（将来歌舞剧呢样嘢，一定会掀起热潮㗎！我认为大家不妨放长眼睇吓。）佢搞歌舞剧，任劳任怨，自己唔识嘅京剧功夫，死学，死练，练到得晒为止。
佢搞歌舞剧嘅精神同魄力，到今日，未揾得到有第二个系咁！
老老实实，如果香港政府要授勋畀歌星，我提议应该畀个荷兰水盖畀罗记，因为佢嘅功劳，真系好大。所以“艺盟”在八八年，全无异议，就畀咗个奖佢。
“今夜不设防”请佢唔到上节目，（因为佢同TVB有合约，唔上得ATV）真系我嘅大损失！
“我真系想上你节目！****黄老霑！”佢有次自己爆料同我讲：“你爆人的料爆得多，我上去，爆晒你的衰嘢出嚟！睇你点死！”
咁佢又的确系知我好多衰嘢！
有次，佢响“海城”做show，我响台下醉鬼咗，自动献身，中鬼咗上去，搞到佢手足无措。一阵又响佢后便做伴唱伴舞，一阵又响佢唱英文歌嘅时候，逐句翻译。“你以后再嚟一次，”罗文后来话：“我阉咗你！”
因为佢好紧张自己嘅show，一定交到十足。
所以，我话佢系永恒嘅，永远都会流行。而家，肯次次交到十足嘅人，太少嘞!
