視后胡定欣昨晚（12日）在佛山舉行第一次個人專場《胡定欣LIVE CIRCLE巡迴音樂會佛山站》，650張門票秒速售罄，定欣又驚又喜，台上她感謝自己一直沒有放棄唱歌，終於可以圓夢。而今次定欣個唱，找來對定欣演藝路上有深遠影響的「亂世情侶」黎耀祥擔任嘉賓。今次專場定欣特意命名為《Live Circle》，原來別具意義，定欣說：「《Live Circle》有人生嘅意思，其實人生就像一個圓形，當中有好多事情發生，但其實係一個循環，圓形係唔會有一個終點，一個結束，佢一路係軌道上面，就以我唱歌嚟講，雖然我當初入行係想成為歌手，緣分卻令我成為演員，但係我喜歡唱歌呢樣嘢冇離開過我嘅生命，我依然好喜歡唱歌，直至今日我舉辦到個人專場畀大家聽啦！」定欣坦言今次是完成自己其中一個夢想。
